No si à mai un mâl

cence vê un ben

Un durmiòn, simpri disocupât

si lamente che il gjâl de confinante

prime che al crichi il dì al met in vore

E tant al fâs fin che une dì al rive

a menâ la parone in tribunâl

e a fâ sì che il judiç al condani

la femine a soprimi l'animâl.

Cumò il cidinôr al dure a lunc

e il durmiòn al slungje la sô gnot,

e lui si use a durmî fin tart,

fin a lis undis, a misdì, dibot.

Une dì finalmentri al cjate un puest

e tal doman lui si presente a vore,

ma usât a durmî tant, come che al è,

al rive cul ritart di plui di un' ôre.

Il paròn lu discjace sun doi pîts

e i dîs che come lui, ducj i parons

no sapuartin di vê tai lôr uficis

tant i pucefadiis che i durmions.

Lui avilît al va de sô vicine

a preâle che un gjâl torni a comprâ,

un gjâl che lu dismovi ogni matine

cun chel so legri e fuart chichiricâ.

E la morâl e jè, cjapantle a plen:

Che no si à mai un mâl cence vê un ben.