Par chest no varessin pore nancje se si savoltas la tiere, se lis monzjù tal mâr a slacassin. Salm 46

Al è cun tant plasé che a non de Aministrazion comunâl e gnò personâl j saludi, tal vincjesim ani-versari dal taramot, la jessude dal cuindicesim numar di "BUJE PORE NUJE!". Chest volum speciâl dut dediad ai vinc' ains dal taramot, fat cul sostegn de Aministrazion comunâl, al è stât metût a disposizion di dutis lis Associazions e ai Grops di dute Buje.

Cun sintimenz di ricognossince mi rivolz a chei ch'e an lavorât par ricuperâ i ricuarz e lis te-stimoneancis parcé che chel ch'al è sucedût in chesc' vinc' ains nol vegni dismenteât ma al resti te memorie di duc'. La straordenarie pagjne di storie scrite daspò il taramòt 'e merete di jessi conservade il plui a lunc pussibil.

Uaniversari che chest an j ricuardìn al è pal Friûl un aveniment fondamentâl de sô civiltât. La strade fate 'e jè stade dificile e cence la profonde cunvinzion tai nestris valôrs no varessin podût rivâ ai risultâz ch'e son stâz tocjâz. La ricostruzion fisiche 'e jè stade un pont fêr cuintri la rassegnazion e il fatalisim e 'e an gjetâdis lis fondis pal svilup futûr. Ué a vinc' ains di chel tragjc 6 di maj dal 1976, la ricostruzion fisiche 'e jé praticamentri finide.

Chest aniversari al è ancje l'ocasion de comunitât di Buje par ringraziâ la grande solidarietât nazionâl e internazionâl di chesc' vinc' ains. A nom de int di Buje j dîs un grazie ricognossint e dovût a dutis lis associazions, a duc' i enz, ai miârs di personis che in chest timp 'e an judât il Friûl cun tune solidarietât concrete, cu la simpatie e cu la stime. Vinc' ains di gjenerositât 'e merètin un ricognossint e grand grazie di cûr insieme cun tun impegn a no dismenteâ mai la solidarietât ch'j vin vût.

Finide la ricostruzion matereâl al è impuartant cirî imsieme la rinassite culturâl e etiche dal Friûl par che cheste cjere no pierdi la sô identitât culturâl e la sô anime. Come pe ricostruzion fisiche l'autonomie e lis lez su la ricostruzion 'e an fate la diference, cussì pe rinassite culturâl 'e jè necessarie, insieme a une simpri plui grande cussience de proprie origjnalitât, ancje di une lez dal Stât ch'e pupili lis lenghis e lis culturis plui pizzulis. In tun mond indulà che lis grandis societâz 'e tindin a omogeneizâ e omologâ culturis e tradizions la tutele non dome 'e jè un dirit ma un dovè parcé ch'e rapresente une ricjece par duc'

Il gno auguri e impegn al è par un Friûl european, multiculturâl, di citadins cun tun grand sens çivic, un Friûl indulà che, eliminadis dutis lis ingjustiziis sociâls, 'e sedi favoride la solidarietât tai confronz dai plui debui, garantide la pâs e la sigurece dal lavôr.