Consideratsions

 Dibot un an, lis associatsions che lavorin pe culture a Buje, si son cjatadis a valutâ il disaç pe mancjance di struturis di spetacul tal nestri Comun.

L’incuintri une vore informâl, al à permetût di scomenzâ a confrontâ lis esperiencis, lis motivatsions e i leamps di ogni grop, il rapuart cul propit public, ma soredut al à puartât ognidun a sintisi, come “espression” e ancje “patrimoni” di dute la comunitât.

Cun chestis orgogliosis consideratsions, i Balarins, la Bande, il Circul Laurenzian, la Filarmoniche di Madone, l’associatsion el Tomât e il Teatri Sperimentâl a an inviade ae aministratsion comunâl une letare-document dulà che a denunciavin il lôr malstâ pe mancjance di spatsi e lucs dulà cjatasi, inventâ e fâ spetacul, ma ancje lis dificoltâs di rapuart di chestis associatsions cu la publiche aministratsion.

 In rispueste ae letare, prin dal unviêr, al è stât fat un incuintri intal comun dulà che la aministratsion publiche e à cjapât at che a Buje a mancjin salis pubblichis e chês parochiâls no son disponibii. Par chel che al rivuarde lis “dificoltâts di rapuart”, dato che esist la Proloco Buja, la “consulte ae culture”, sugeride te letare, e riscje di sei un doplon inutil.

 Pôcs dîs fa, ae inauguratsion dal cine-teatri “Pasolini” a Cervignan, il sindic al à fat un discors sevêr, in pratiche al à dit che par sostignî l’investiment di plui di tre miliarts si à scognût rinunciâ ad altri, ma l’impuartance di une struture di spetacul e jere divignude prioritarie pal svilup sociâl de comunitât tant di sostignî un ulteriôr investiment di passe 150 milions pal aviament de struture.

Bisugne considerâ che la popolatsion di Cervignan e je pôc plui dal dopli de nestre, che lis ativitâts associativis culturâls a son la metât e che la opositsion popolâr al investiment e jere rilevant.

 Tal Comun di Sedean (3500 animis) la spese pe culture e je passade in tre agns da 40 a 120 milions.