Nome tal fevelâ de int di Buje si cjate la peraule «crafut».

'O podìn pensâ che derivi dal tiermin todesc «Krapfen». Saràjal vêr? La forme des dôs robis si semee. Salacôr i nestris vôns emigranz, tornant a cjase dal forest, a' impuartàrin la ricete imparade lant a fâ salamps pal mont.

I pôs purcitârs restâz, nus contin che ains indaûr in dutis lis fameis si fasevin chesc' lichez bujaz! Dât il curtis al purcit, si gjavave il sanc par fâ la mule, po dopo vêlu scuartât, cuant che si tiravin fûr i t>ugjei, il purcitâr al domandave a chei di famee s'e vevin voe di tignî la piel par fâ i crafuz.

In chê dì che si copave il purcit, i fruz a' restavin a cjase di scuele, come s'e fos state fieste di precet e plui di cualchi mulet al lave a cirî «il stamp dai crafuz».

Ricete dai crafuz

— fiât

— cualchi tocut di cjâr

— pan vecjo

— uve passe

— scusse di limon gratade

— sâl, pevar, canele e altris droghis

— miluz crûz spelâz (a second dai gusc')

— masanâ dut, sgjernâ un pugn di zucar e messedâ benon

— cuei il gras, strizzâ lis cicinis, fâ fridi dôs cevolis tazzadis e cuinzâ il dut

— fâ balonuz e imbuluzzâju cu la «tele dai crafuz»