A Pierino Monassi (Pieri Monàs scultôr) - 1979 di Domenico Zannier |
Tu che cun mans di artist tu creis la vite al metal incidût,fi di fusion o di coni o cesel, tu viodis scrite tal viers ricognossince pal to don. Pai trois di cleve che a la glorie 'e mòntin 'e son baraz 'e jè fadìe a là sù. La fantasie e il to ingen però nus contin che ae biele mont tu stâs rivant pur tu. E tu dâs formes d'àur,lìnies di arint ai faz de civiltât e ai lôr autôrs e l'anime 'e jè un vint che a dut 'e sburte. E les vôs dal passât e dal presint 'e son ucêi ch'e tiéssin nîz e amôrs te art tÔ che in cerclis l'infinît 'e scurte.
7-1-1979 |