Alpins di Buje in Mont

 'En àn restaurât 

il mûr de cente de Plêf

 Cheste sierade passade il Grop dai Alpins di Buje al à stabilît di contribuî al restaur de Plêf di Mont tirant-sù il mùr di clap de cente che il taramot al veve sdrumât. Cussì, lassù ch'al é il cûr dal paîs, par un grum di sabides si à podût viodi "fantaz" di dute Buje a lavorâ cun tune vôe di no crodi. Ce a tirâ-sù mûr, ce a sburtâ la cariole, ce a fâ malte, ce a movi grums di cjere e a tajâ baraz, ce a... puartâ di bevi, che ben s'intint! Qualchidun al à scugnût barufâ cu la femine che si lamentave par vie che amancul di sabide al podeve stâ a cjase, invezit di lâ a fâ fadje dibant. Qualchidun al à cjapât un sfuarz par vie che, cjò, no si é mico plui usâz a messedâ claps! Qualchidun si é cjatât a jéssi lassù, qualchi sabide, dibesôsl tal frêt, par vie che in chê dì duc' 'e vevin ce fâ! Ma il mûr de cente al é lât-sù e de bande di San Scjefin al é dut finît e biel e fin che no'nd'é un altri cussì in dut il contorno. E cumò, cui ch'al va-sù in Mont e al cjale de bande de glesie, al pò dî: - Chel mùr lì, lu àn fat i Alpins di Buje! - Ch'al come dî: - Ognun di chei claps al é segno dal sintiment di un omp ch'al crodeve in robis che no àn l'amont...