Premi Nadâl furlan  

Un contribût ae grande

culture dal «jessi» Discors inaugurâl

 pe none edizion  

Mi sint onorât e ben content di puartaus il salût plui afetuôs e il benvignût plui sancîr di duc' i socios dal Circul Culturâl Laurenzian ch'e ìn inmaniât cheste manifestazion pe consegne dal Premi Nadâl Furlan '87. Aromai 'o sin ravâz felicementri ae none ediziôn e 'o sperin di continua cence masse intops cheste simpatiche tradizion che à ancje une fuarte pretese educative e culturâl. La presince cheste sere di tantis personalitâz dal mont politic, culturâl e religiôs dal nestri Friûl, che nô 'o volìn ringraziâ di cûr come ch'o ringraziin duc' i presinz e ancje chèi che no An podût vigni, e jè par nô un confuart e une sigurece: la conferme che 'o sin su la strade Juste. 

Ma cheste presìnce 'e ûl ancje jessi un den ricognossiment ai nestris premiâz pal "lôr impen umanitâri, sociâl, artistic e culturâl ispirât ae dutrine cristiane, al servizi de societât umane e de comunitât furlane in particolâr". 

Nô 'o pensìn che il massimo che si pò dâ a une comunitât al sedi chel di incjessi la sô culture, di stimulâ la sô sensibilitât e di umanizâle in dutis lis sôs voris e ìn duc' i soi servizis: chesc' premiâz e an propit fat chest, 'e àn cirût di salvâ cheste nestre societât aromaì in ruvine, cence valôrs e cence ideai, tornant a proponi i valôrs plui gjenuins de neste antighe cìviltât di fonde cristiane, 

Purtrop il mont di vuè al va di buridee, simpri plui di corse, cence un lamp di polse; e duc' 'o sin cjâpaz inesorabilmentri tal so teribil ingredei. Usgnot ìnvezi 'o volin fermâsi un moment par pensâ, par fa qualchi pizzule riflession: dut chest cori, dute cheste continue batae cuintri il timp, dute cheste frenetiche ativitât siguramentri no avantaze e che no mijore ni la quantitât e tant mancul la qualitât de vite, cence dubi 'e distrûz ogni pussibilitât di rapuart uman fra lis personis, venastaj ogni pussibilitât di solidarietât e di amôr. 

Nô 'o sin convìnz che la famose equazion, tant di mode al dì di vue: "tane' bez tante felicitât" 'e le teribilmentri false e lu dimostrin in mût clâr e lampant i faz de cronache de nestre regjon dai nestris timps; al pâr che il Friûl al sedi plui siôr di dute l'Italie, almancul cussì a' dìsin lis statistichis, ma al è ancje fra i plui rics di suicidis, di drogâz, di acolisc', insumis siôr des gnovis puaretâz di cheste nestre inciviltât dai consums! 

Dut chest al è conseguence di ché tremende e imperant culture dal vê che nô 'o volin refudâ e combati par tirî la vere grande culture dal "jessi", che jè culture di vite, culture di amór. 

"Anele se 'o pues possedi dute la sienze e une fede di rivâ a movi lis montagnis, mano ài amór, 'o sol' un nuje", al à dit San Pauli te prime letare a chêi di Corint, e nô 'o crodìn che la cause di duc' i granc' mai di chest mont che si dibat te teribil smuarse des vueris, des lotis, dai odios plui violenz, 'e sedi propit la mancjance di amôr. 

Se al esistès plui amôr su cheste tiere, no varessin dibisugne di tantis cunvignis, di tantis conferencis, di tanc' dibatimenz pal disarmo, sui diriz umans, su la pâs, no coventaressin tane' sìndacâz e tane' sioperos ni tantis lotis socials, no murarès tante int di fan e stenz tal tierz mont, no podarès jessi tante injustizie e tante miserie, ma al sarès di sigûr un mont plui uman, là che si rispiete la vite, si crôt tai valôrs ch'e durin, là che si ubdis aes lez de nature e si dà une man al fradi ch'al à bisugne. Scusait, no voleve jessi une predicje, ma une riflession su la valence ch'o volìn daj a chest premi e su la impuartance ch'e quistin i nestris personagjos ta cheste imponente crisi de ete industriâl par vênus judât, e' o sperin che lu fasaran ance pa l'avignì, a rifondâ la grande culture dal jessi, che jè culture di vers valôrs. Ur disìn tantis graziis pal lôr esempli maraveôs e ju preìn di continua a indrezzânus su la buine strade.