El Clan

E jere ore che ancje a Buje al tornas a dâsi dongje un grop di žovins cul intent di imparâ a vivi 'te maniere dai scouts. El grop al é nassût di pôc, par merit di doi zovins di Glemone, Alba e Marco, che, cun tante buine volontât, nus àn proponût un gnûf mût di stâ insieme, 'tal impegno e 'tal divertiment.

Une volte par setemane si cjatìn in te sede scout di San Florean, par fevelâ insieme di argomenz religjôs o culturai. Le quistion che o stin puartant indenant cumò 'e je chê de culture e de lenghe furlane; judâz ancje di persones come Nazzi, Menis e Zanier si sin faz une idee dal aspiet storie, pulitic e leterari dal argoment.

O vin cirût di capî se ch'ai ûl dî jessi furlans, vê le cussienze di jessi furlans in-te realtât presint e ce che si po fâ par sveâ e mantignî vive cheste cussienze.