Tutti i 200 brani poetici inseriti ,
tratti dai "Poemi" di Domenico Zannier recitati dall'autore.
PARTE 2ª
142 -----------------------------------------------------------------------------
Protezione Civile
………No je la int di miôr di un’aghe e un àjar
ch’e nìcin e ch’e bùšsin e ch’e muàrdin,
‘e cjarècin e a’ sdrùmin e si implàin,
‘e tòrnin dolz de inique furie al sît,
Tu ješsis di bagnât a fâti sut,
di timp ferît tu passis a salût. ………
Da «Tes animes ch’e splendin» - di Domenico Zannier
143 -----------------------------------------------------------------------------
Periodici
………Nol è nissun uman il mâl intîr.
Tristerie numerade ‘e à i soi cunfins
ni dut il ben pussibil al è al mont.
L’infinît e il totâl e son divins. ………
Da «Tes animes ch’e splendin» - di Domenico Zannier
144 -----------------------------------------------------------------------------
Arti Marziali
………Di žovin al à il mont dut il colôr
e tu ti impìis cul biel, cul sant, cul just
e no t’impuarte di murî clamât,
Di soreglâz valôrs tu sês lusint. …………
Da «Tes animes ch’e splendin» - di Domenico Zannier
145 -----------------------------------------------------------------------------
PERIODO STORICO dal 1940 al 2000
............Al é il Friûl un sît dismenteât,
une tiere di antîc che si cunsume,
che 'o clami a vivi e ch' e rispuint par mâl.
Se un bâr al fâs la Patrie, ugnul il cîl................
dal poema "Flôr Pelegrin" pag. 4 di Domenico Zannier
146 -----------------------------------------------------------------------------
Francesca Marini Barnaba di Luzian Verone
............... Travanâz di iniquitât,
imbombâz di tristerie,
e blestemavin nature
cu la cjâr di creazion
ch’e semene vite,
i umans cence Aleance. ...........
da "Il gno viač al è Diu" di Domenico Zannier
147 -----------------------------------------------------------------------------
Articoli vari
.......... Musiche 'o sin te musiche dal jessi.
La vite 'e jè ricuart par sêi presince.
Se nons e faces no ju puarte il marmul
E i sfueis 'e son a blanc, pur Diu si vise..........
dal poema "Tes animes ch’e splendin" di Domenico Zannier
148 -----------------------------------------------------------------------------
UNIVERSITA' DELLA TERZA ETA'
........ A miêi cognošsi l’om la šienzie ‘e jude
e ce c’o vin atôr che si comprendi.
A inluminâ lez di nature, ‘e žove
Cence fondâles, che no jè lôr mari. .......
Da «Tes animes ch’e splendin» -125 – di Domenico Zannier
149 -----------------------------------------------------------------------------
Museo - Biblioteca
..........Di landri e bosc 'o ven a bevi Diu,
passant par curidôrs di vons e paris,
ch'e àn vût screade etât di res e templis.
Ce tanc' scjalins ch'o ài faz cence mai fâju! ......
Da «Tes animes ch’e splendin» pag. 5 di Domenico Zannier
150 -----------------------------------------------------------------------------
........I libris linarûi 'e àn nons ch'e stòmblin (stimolano)
a vivi fuart pe glorie e pal paîs.
Se no tu sês erêt, scrîf tu il volum. ........
dal poema "Colomps di Etrurie" pag.8 di Domenico Zannier
151 -----------------------------------------------------------------------------
Elezioni - articoli vari
....... Al é un pensa, un rifleti il gno là a pît,
un contemplâ la vite a vôli fêr.
L' imprest al é scjampât des mans dal om.
Si sin faz sclâfs di ce ch'o vin creât. ................
dal poema "Flôr Pelegrin" pag. 26 di Domenico Zannier
152 -----------------------------------------------------------------------------
Elezioni a Buja
.........Nol é tradî mudâsi a vê un progrès.
Il riul al à di cori e di slargjâsi
par rivâ al Mâr o jongi un âtri rìul...................
dal poema "Colomps di Etrurie" pag. 48 di Domenico Zannier
153 -----------------------------------------------------------------------------
Luigino
........... Ma il dolôr al sarâ fin che jo 'o vîf,
ch 'o piert creatures dal afiet nudrides
e il vuèit che làšsin nol console il timp............
Da «Tes animes ch’e splendin» di Domenico Zannier
154 -----------------------------------------------------------------------------
Da inserire - Guerre
........... 'E saran âtris timps a sujâ i cûrs
quanche i metâi 'e nassaran a splendi
di fuarce e sanc e di civil salustri.
Pe lôr jentrade 'e jé la puarte pronte
e no va a lunc: di plomp e stagn e ram,
di bronc e fiêr, pal ùtil e pe spade............
da "Filii petrae" pag.24 di Domenico Zannier
155 -----------------------------------------------------------------------------
Paolo Lenarda
........... No jé monede. Tu tu dâs jo 'o doi:
miluč par piere, piere par miluč,
sâl par airon, airon par sâl e pate.
Li che no son i bêz sôl robe 'e conte.
L'imprest al è aliment e al è vistît.
Si pó cucâ cu l'ambre e l'ossidiane
e cu les capes l'albe monetarie.
Poleč di prât al vâl cuesse di piôre.
Cui foncs il ruscli baràtât al ven............
da "Filii petrae" pag.26 di Domenico Zannier
156 -----------------------------------------------------------------------------
Chiesa di Andreuzza
........... Decretâ lez tu puedis che tu vûs,
ma il mont Caìn e Abêl no lašsaran.
L'eternitât le ten par sê ancje il diaul.
No sta insumiâti ch'al sparissi il mâl.
Fâs che di plui di chel al sevi il ben............
da "Filii petrae" pag.69 di Domenico Zannier
157 -----------------------------------------------------------------------------
Racconti - Pietro Menis
........... Condane al omp 'e ven de sô nature.
Pognete 'e jé la tiere e indiferente,
no plui di tant, al pît che le tibìe.
Fortune che no à i vôi di cjalâ in muse
ce che tal grim maternamentri 'e acuêi............
da "Filii petrae" pag.73 di Domenico Zannier
158 -----------------------------------------------------------------------------
Accademia degli Accesi
........... 'Zardin indurmidit no jé la Patrie.
Fûr di comunitât nuje al è il singul.
Stâ dongje al è dovê, strèngisi il miôr.
Fâsi pais 'e vuèlin omps e femines
ch'e stein lontans foresc', ch'e sedi union............
da "Filii petrae" pag.95 di Domenico Zannier
159 -----------------------------------------------------------------------------
La Chiesa di San Lorenzo Martire in Monte di Buja
........... Fânus no tu âs podút di intêrie lûs.
Epûr la clâf dal Cîl tu nus âs dât.
E les mans di bontât 'e an seradure
cun vilie di Infinit, cortine e aurore............
da "Filii petrae" pag.111 di Domenico Zannier
160 -----------------------------------------------------------------------------
Aggiunta voce (mancante) degli autori dei testi
........... L'omp jo no ami par imbalsamâlu,
rìndilu statue, ma par dâj un sanc.
La tradizion 'e vîf, se no si impoce.
La lenghe 'e jé un valôr, no religjon.
'E à di vistî il Divin cun umiltât............
da "Filii petrae" pag.117 di Domenico Zannier
161 -----------------------------------------------------------------------------
Scout Buja
........... La žoventût 'e jé dôs voltes žòvine.
'O soi creature d'albe e lûš našsude
e cul soreli 'o ài cjaminât creant.
E i fis de piere 'e làudin il biel astri
ch'al à cjapade fuarce a insiorâ il mont............
da "Filii petrae" pag.125 di Domenico Zannier
162 -----------------------------------------------------------------------------
Gemellaggio BUJA-DOMONT
........... 'E son cun te les animes dai paris
e i cûrs des maris a passâ sui timps.
Se venerâz, i vons no nus bandònin.
Al lôr amôr e sanc tu tornarâs»............
da "Filii petrae" pag.130 di Domenico Zannier
163 -----------------------------------------------------------------------------
Arti - Ballo
........... Cemût ch'al file il timp cui àins, cui mês,
creant e distrugint felicitâz!
E ogni di 'e cjape fuc une inlusion.
Al torne simpri a fâ sô tele il ragn,
ni la sisile 'e dismentèe il so nît............
da "Filii petrae" pag.183 di Domenico Zannier
164 -----------------------------------------------------------------------------
Nuovi testi, foto o altro
..........Simpri al è in vôre Erode e in dut il mont,
dulà che, vuarp, il cûr fradi nol viôt.
'E à tant di cjaminâ l'umanitât
par che persone 'e vei sô dignitât...........
da "Creps Umans" pag.162 di Domenico Zannier
165 -----------------------------------------------------------------------------
Gjno: el sindic de ricostruzion
.......... che 'e ven di te la prime veretât:
l'esisti dal to esisti, e no di un âtri.
Fèrmiti di bessôl a scoltâ il mont.
'E son tesàurs ch'e lùsin e no lùsin,
vôs di sirene in mâr, corvaz in vint.
Misùriti e misure les tôs strades.
'E son milante rêz, gridiz, grideles.
Tu va indevant e passe e rive insomp.
'E pàndin i àins il just. Vite 'e conferme.
Quanche ti clàmin, tu ti sês clamât.
Di risultive a fôš no mude l'aghe.
Nissun colôr al ten su la sô piel...........
da "Creps Umans" pag.181 di Domenico Zannier
166 -----------------------------------------------------------------------------
Il Regno di Buja
..........'O sufrìs il podê che nol resone.
L'inluminât comant al žove al ben.
Don e trement dovê regi al è i popui
ni facil tes tôs mans il just s'intive...........
da "Creps Umans" pag.13 di Domenico Zannier
167 -----------------------------------------------------------------------------
Ringraziamento per i testi
..........No esist razze furlane, juste un popul.
Nol è il čurviel furlan, ma chel uman.
Lavris furlans 'e cjàntin cune e vite,
i rìui des tradizions, i àurs de culture,
la storie di une tiere e di une int...........
da "Creps Umans" pag.19 di Domenico Zannier
168 -----------------------------------------------------------------------------
15 anni di Protezione Civile a Buja
..........Râr al è il câs che un om al sei dut ùn
cu la sô professiôn, cul so lavôr,
par no di mai, ch'e son plui vocazions
ch'a si intrècin a vene a tiessi il coš.
E la persone 'e à un non e titui tanc'.
Tu sês totâl di umanitât plurâl...........
da "Creps Umans" pag.27 di Domenico Zannier
169 -----------------------------------------------------------------------------
CYGNUS - ASTRONOMIA
..........E che la mens umane 'e jè par câs?
Dulà les proves par che tu tu escludis
un fin, une reson, un intelet?
'E jè la šcenzie gjalinâr e cjôt
co di pavon di Veretât si viest...........
da "Creps Umans" pag.28 di Domenico Zannier
170 -----------------------------------------------------------------------------
Cenni storici generali - Articoli vari
..........'E van i secui un daûr chel âtri,
cjavâi tal vint, in infinît galop.
'E pàssin. No si dìsfin in cinise.
No si sfàntin in polvar, co si spant
tal presint il lôr viač che nol à puart,
fûr che a Univiers sierât, clostri divin...........
da "Creps Umans" pag.34 di Domenico Zannier
171 -----------------------------------------------------------------------------
A. F. D. S. di Buja
..........Covèntino i pericui par sêi fradis?
Par cjatâsi calôr e uman abrač
Co si sta ben dificil al è amâsi.
Ai stomis sigurâz nol cjante il cûr...........
da "Creps Umans" pag.185 di Domenico Zannier
172 -----------------------------------------------------------------------------
Abbreviazioni
..........S'o fâs i conz al Univiers stelât,
i numars a' mi sfùin vie pai abìs
e, navigant fra lôr, 'o piert il cjâf,
ch'o scuen fermâmi a vê une cunsistenze...........
da "Creps Umans" pag.39 di Domenico Zannier
173 -----------------------------------------------------------------------------
I mosaici della chiesa di Urbignacco
..........Puarte, Marie, il to Frut a la mê bocje
ch'o bušsi il Diu fat Om cu la tô cjâr.
Pòimal tai braz ch'o nici une Creature
ch'a jè Creatôr e che si umilie ae tiere
par fâle Cîl e paradîs novel...........
da "Creps Umans" pag.50 di Domenico Zannier
174 -----------------------------------------------------------------------------
Correzione ORRORI
.........Ce pensistu ch'al regni il to pinsîr
in cjâfs di clap che no capìssin gran?
Un palût di ignoranz nol lašse cori
ni cjaminâ l'idèe ch'e jé tô lum
e fuc di vite. No tu impìis la tiere,
inludût fuminant in pae bagnade.
Ma l'ignorant ch'al à il podê al fâs pôre,
s'al è paron sierât e gastalt vuarp............
da "Creps Umans" pag.53 di Domenico Zannier
175 -----------------------------------------------------------------------------
Come effettuare una ricerca
....'E vâl persone plui che no la lenghe.
'E vâl la vite plui che no la Storie.
No tu rompis l'amôr a cjatâ creps...........
da "Creps Umans" pag.57 di Domenico Zannier
176 -----------------------------------------------------------------------------
Curiosità
..........Ce che tu sintis scoltilu e po vàndilu
cul to tamês a lunc che la volàdie
no ti impulvini il cjâf e fuschi i vôlis.
Simpri la int e il mont 'e van valâz
par no inneâsi tal passač di un vât.
Pa la gran part de int 'e conte muse
e vôš e portament, cuarp di possance,
che il spirt no si lu viôt de inteligjenze,
se no traviers un biel fueam di roses...........
da "Creps Umans" pag.64 di Domenico Zannier
177 -----------------------------------------------------------------------------
Ringraziamenti per la realizzazione del CD
..........E la tiere le ami come il sanc.
E jê mi strenč al stomi come un fi.
Un cont 'e jé la Patrie, un fat i umans,
che vie pai timps le règin, ben o mâl.
Se nol è pûr l'uman, Patrie si mâgle.
E le scjafoe l'iniquitât di pôs.
Il vêr amôr di jê al è fâle sante,
nete e lusinte in sô cušsienzie al mont...........
da "Creps Umans" pag.65 di Domenico Zannier
178 -----------------------------------------------------------------------------
Poez e scritôrs furlans (cultura L.Verone)
..........Filosofanz di lums di pêš nus puàrtin
indaûr doimîl àins, prin dal Avent.
'E tòrnin religjons di bestie e sanc,
di panarie e bevande in circul làic,
e no jé place che velens no sgorghi.
Un cancar al divore les nazions,
plae d'ogni plae la France cence Diu.
E l'Italie a cjadene e Glesies flapes.
No si aurìs l'aghe monde dai poz neris............
da "Creps Umans" pag.71 di Domenico Zannier
179 -----------------------------------------------------------------------------
Polisportiva Bujese
..........Les professions dal om 'e son pe vite,
che, se pe muart 'e van, 'e son tradides.
Lez di delit in Parlament si bràmin
di lôfs e loves, dintidure crude.
Cui bêz dal innocent il Stât al pae
vizis e muart, blesteme e coruzion.
E nô no sin ni sitadins ni agnêi,
ma di sclâfs un pedrât, sporc e pescjât............
da "Creps Umans" pag.76 di Domenico Zannier
180 -----------------------------------------------------------------------------
Calcio
..........Se pierdût no tu âs, no tu sâs vinci.
I morâr al met fuèe cun grops e tais
che i cavalîrs and'àn jet e aliment.
Se patît no tu âs, no tu sâs gjoldi
che dal scûr a la lûš nol è passač.
Si madrèšsisi a vinci a pôc a pôc..............
da "Creps Umans" pag.82 di Domenico Zannier
181 -----------------------------------------------------------------------------
Ringraziamenti
..........'E vègnin in Friûl i granc' "sapienz"
che la television 'e à incurnisâz,
a dî ch'o vin di vivi in tal lôr mût,
dispreseant culture e lenghe nestre.
'E àn bocje e sproc di soterânus vîfs
come che ai brâfs strions al si conven.
E plàudin i Furlans e si ingenôglin
cui sfueis nostrans ch'e son prostituzion.
Tun popul di sotans tu tu sês muš,
che parfin di ronâ ti àn improibît........
da "Creps Umans" pag.94 di Domenico Zannier
182 -----------------------------------------------------------------------------
Da inserire
..........Cui che tu vincis no sta crodi vint.
La dì 'e rilûš. La gnot 'e torne. Il nûl
si ripropon cul clâr. E il sanc cul sanc......
da "Creps Umans" pag.99 di Domenico Zannier
183 -----------------------------------------------------------------------------
Francesca Marini Barnaba - Poesie
..........Al stè il Friûl e longobart e franc.
Al vignì Patriarcjât civîl e sacri,
un astri tal stelât di gnûf imperi.
Lu fasè so Vignesie a spade e bêz.
E Viene e Rome 'e dividèrin plat......
da "Creps Umans" pag.103 di Domenico Zannier
184 -----------------------------------------------------------------------------
Pro Buja
..........Al è il Friûl so jessi e itàlic sît.
Cui che lu mâgle e cui che mont lu fâs
ch'a si ingenôglin a bušsâ sô pâš.
La Patrie dal Friûl no jé mai muarte.
'E nàšsin i lusôrs di vueli antîc......
da "Creps Umans" pag.103 di Domenico Zannier
185 -----------------------------------------------------------------------------
Il parrocchiano di Buja
..........Diu nol pò fevelâ che al omp pal omp
tal ordenari vivi, uman, terestri,
cence sprivâsi di un so fîl diret,
de libertât dal so infinît misteri.
E si sbasse a cjâf nestri a dî peraule
par che si alcìni a jessi so pinsîr......
da "Creps Umans" pag.13 di Domenico Zannier
186 -----------------------------------------------------------------------------
Ciclismo
..........Tu crodis simpri di vê dite dut,
ma ripetinti no tu âs mai finît.
Il milučâr al torne a mêi e roses
e no jé plante che cun lui no torni.
E il savôr dal an prin nol è chel gnûf......
da "Creps Umans" pag.125 di Domenico Zannier
187 -----------------------------------------------------------------------------
Alpinismo
..........Dami il consei, ma làšsimi les ales.
No sta copâmi il fi prime ch'al cragni.
Ce tant che si à pierdût d'òpare sclete,
quanche la pôre 'e fruce il cjâf uman!
Se stes un omp al è, no istituzions:
libar ti fâs peraule ch'e jé lìbare......
da "Creps Umans" pag.126 di Domenico Zannier
188 -----------------------------------------------------------------------------
Da inserire
..........Ancje il tradî al è un dâsi par amôr,
quanche justizie in tun amôr no jé.
Ma il just no tu comedis cul injust
e il sanc ferît al è plui biel, se mont.
L'ideâl al è simpri di chê bande
che la celeste Volontât ti mande......
da "Creps Umans" pag.127 di Domenico Zannier
189 -----------------------------------------------------------------------------
Int di Buje
..........E di continuo 'e sèin jerbe di prât
atôr di cjase che no crešsi mai.
No nàšsin roses a nudrî les âfs.
Mut al è il cjant dai grìis, i župez muarz.
E les pavèes no san dulà pojâsi.
Al passave il falcet, no di rasôr,
a vite ža sfluride, ai timps segnâz.
Ce ch'al è masse lustri al sa di muart...........
da "Creps Umans" pag.131 di Domenico Zannier
190 -----------------------------------------------------------------------------
Da inserire
..........Chêi ch'e sburtin al sanc pènsino mai
al dolôr, al lament, al lut ch'e crèin,
ai agârs imbombâz di vene e lagrime?
'E son penâi di muart, penes di odi,
ch'e stravuèlgin i popui, les idèes
ch'e clamin armes e fanatic stamp.
E il delit dal pinsîr nol puarte vôi...........
da "Creps Umans" pag.141 di Domenico Zannier
191 -----------------------------------------------------------------------------
30 anni dopo
..........'E son tornâz i muarz, lôr che no tòrnin,
se no tal cûr e tal pinsîr e in vêl.
Se 'e son i tôi di vite, al pâr ch'e scjàldin
come lontan sorêli un lunc inviêr...........
da "Creps Umans" pag.144 di Domenico Zannier
192 -----------------------------------------------------------------------------
Hockey
..........Al è il Creât la fonde di ogni crodi
par cui ch'al ame e al cîr so jessi prin.
Les steles 'e son dolces al amôr,
tremendes a la ment, biêles ai vôi...........
da "Creps Umans" pag.150 di Domenico Zannier
193 -----------------------------------------------------------------------------
Racconti - Maria Forte
..........Al dopre il popul les peraules sôs
cence savênt lidrîs e prin surtum,
tesaur di vos e patrimoni antic.
Cul timp les ten, les mude, les coromp
e les comede cui ch'al scrîf e monde...........
da "Creps Umans" pag.152 di Domenico Zannier
194 -----------------------------------------------------------------------------
Padre Emidio Ercole PAPINUTTI
..........Nol è il pinsîr un'art, nancje l'idèe,
nancje i afiez dal om un'art 'e son,
ma cence il cûr e l'ideâl sô forme
no cjape l'art e no pò našsi e vivi.
Ce che tu crodis ti dà mans e vite.
Ce che tu amis ti fâs biel il cjant...........
da "Creps Umans" pag.154 di Domenico Zannier
195 -----------------------------------------------------------------------------
El Gri
..........La šienzie no jé Diu. No si le adore.
In so non no si mace e si distrûč
seben che tal cirî par fal si mueri
e par sfide e aventure e calcul stuart.
Di disgracies pontât al è il savê,
di trionfs e di glorie e scûr cidin...........
da "Creps Umans" pag.158 di Domenico Zannier
196 -----------------------------------------------------------------------------
Pallavolo
e il cjâf al strenč ombrene di pinsîrs,
si impie la frange di un amôr celest,
quart e sutîl, ca mi travane il cûr
e il jessi al è te lint che lu contemple. ………
Da «Tes animes ch’e splendin» - di Domenico Zannier
197 -----------------------------------------------------------------------------
Pattinaggio
……… Un al è il čoc e mil ‘e son ramaz.
Gotes milante in tun rìul sôl ‘e son.
Se l’univiers e il timp si crein insieme,
‘e je une Ment ch’e inlumine il lôr fâsi.
Da «Tes animes ch’e splendin» - di Domenico Zannier
198 -----------------------------------------------------------------------------
Informarci
l’om al mangjave l’om crodinsi just
e tanc’ e còpin cun se stes in pâs
L’inocenze salvadie ‘e je une flabe ………
Da «Tes animes ch’e splendin» - di Domenico Zannier
Viaggi
e il cîl un âtri cîl e vite gnove.
L’om al cjamine e fêr nol reste mai.
Ancje la muart ‘e sa flurì in amôr.
Ma vuai a cui ch’al è so sburt e cause
Fûr de nature e timp e leč di vite. ……
Da «Tes animes ch’e splendin» - di Domenico Zannier
200 -----------------------------------------------------------------------------
---------------------------------------------------------------------------
Da inserire
Našsut 'o soi par jessi di Poesie
e amade Veretât. 'O soi un cjant
di vite e muart, di gnot e di sorêli,
di tiere e di Celest e di pinsîr.
'E jè par me la muart puarte di lûs
e la vite sperance e fuc amabil
e cušsienzie dal mont. 'O ài petât svuel_
tal àjar des culines e des monz
e 'o soi rivât a les sitâz lontanes,
ch'e glòtin l'om e me no mi àn glotût.
Di Peraule 'o ài vivût plui che no pan. da "Creps Umans" pag.39 di Domenico Zannier
S'e son poesie les ries che il cûr al orne
dîlu no pos, ma in tes mês mans lu sint
e tal gno sanc, che di flurî si vise.
No son musiche mute les mês venes.
Les orêles da l'anime les scòltin.
Di viers e rimes simpri 'o ài vude sêt
di creâju di me cun part celest.
E ploe di vite mi à bagnâz i dêz.
No son sujades les peraules d'àur:
il mont al è in te lûs, tal cjant, tal sun.
'O sai di cune e albe. 'O sai di nàšsite.
Ma, se di me poesie no jé našsude,
ùmin di cjant pai secui 'e àn flurît
e a' fluriran che Diu nol dismentèe
che la belece 'e migre dal so sen. da "Creps Umans" pag.54 di Domenico Zannier
Io la mê lenghe 'o sint universâl
e no mi clami autôr minoritari,
savint esprimi dut e intîr l'uman.
Latine lenghe 'e jé la mê favele,
di un cep ch'al à rindût civîl il mont.
Duc' si sveàrin dopo ulîf e làur.
'O soi Furlan e par furlan 'o cjanti:
vôs di persone e popul e nazions,
i oms di ogni tiere e Diu ch'al è di duc'.
E l'amôr de tô patrie no ti scurte.
Pûar chel che nol à cûr plui pe sô cune.
Di frut 'o ài vut paîs di quatri lenghes,
che i ditatôrs di sot e sore 'e an rot.
Ma no eri Todesc e nancje sclâf,
juste Furlan e po Talian insieme,
cun qualchi pêl di muc sore i vistîz.
E Latins, no Latins, duc' cristians. da "Creps Umans" pag.72/3 di Domenico Zannier
Di claritât 'o ài metût cempli ai vôi.
Di gracie e glorie 'o ài coronât il cûr
e un cercli aurât 'o ài dât al sintiment.
E 'o gjolt a jessi làmpade di Crist,
cul polvar gno, ma cul splendôr di Lui. da "Creps Umans" pag.68 di Domenico Zannier
Râr al è il câs ch'o sedi trist di lenghe,
cjatîf a cjalt tal movi une espression,
ma simpri mi àn brusât les injustizies,
l'ingjan e la calunie e il tradiment.
E i laris di intelez no ju sapuarti.
Dai pugnâi, schene e grene, 'o scuen difindimi
che no soi bon di svolâ vie splumât.
Àjar di Diu, solèvimi in seren.
Cjàvimi sgrifes. Lašsimi les ales.
Strèngimi di perdon. Cjàntimi amôr. da "Creps Umans" pag.93 di Domenico Zannier
Cun dut che i àins si plèin viers l'ultim puart,
no vuei sierâmi vite che in batae
pai sitadins da la sitât di Diu.
Ch'al si rondoli il mont in te sô lacje,
berghelant il so urli di vitorie,
jo žoventût 'o ten di spirt divin.
La peraule di Crist 'e jè mê arme,
il so infinît amôr la mê bandiere.
Ce tanc'ch'e vuèlin sêi scritôrs furlans
e incoronâsi in smeraldin laurâr,
cun quatri ries e gran publicitât.
Diviers no àn mai savût la nestre lenghe.
Âtris si son sveâz cui contribûz,
âtris di lôr servint pulìtic cjâr.
Ch'e scrivin mi va ben, no tant cemût.
Si sàlvial un idiome bastardanlu?
giavanlu al popul? fabricanlu in veri?
Ma ur lašsi l'ambizion di sêi Friûl,
preanju ch'a si mèndin lant pa strade. da "Creps Umans" pag.81 di Domenico Zannier
E cjàpin bêz par sêi contâz Furlans.
'E cjàpin bêz par sêi contâz Talians
e Todesc e Slovens e ce sao jo.
Ma jo no soi pajât par sêi Furlan
e bêz no vuei par sêi tignût Talian.
'E àn ža pajât e pari e mari a fâmi.
Un'anime našsude no si vent.
Les steles 'e dan lûš cun innocenze. da "Creps Umans" pag.62 di Domenico Zannier
'O soi vignût de gnot a cognošsince
ch'e jé plui lûš, se Crist al è sorêli.
Ven, Pari Omeri e tu, Pari Virgili.
Ven, Pari Dant, preât fin de Natisse.
Travanàimi di lûš e amôr e cjant.
Còrial il vuestri sanc in te poesie
des vicendes umanes e incantèsims.
Se i timps 'e son dal om e l'om dai timps
parsore il timp a jessi 'o seis vignûz.
No us mètin sot i barbars culturâi,
i rineaz di Orient e di Ocident.
Vignìit, poetes d'ogni etât e lenghe,
aquiles e scričuz. Fasinsi cûr,
la schene ai secui lâz, il pet ai gnûfs. da "Creps Umans" pag.54 di Domenico Zannier
Signôr, jo 'o sai che ben tu tu mi vuelis.
Cemût che tu mal vuelis jo no sai
o almancul une vôre pôc di pôc.
Che 'o vadi ben o mâl par me tu âs vôli.
Inflorât e spinât di me tu âs cure.
Simpri la fuarce dami di sêi to,
quanche impussibil jessi fi al semèe. da "Creps Umans" pag.99 di Domenico Zannier
'E pàssin i àins. 'E tòrnin i cjavâi
che mi sfidàvin a galop e trot,
ch'o ài vûz pujeris a nudrî te stale.
Pôs chêi crešsûz cun me, tanc' vignûz dopo.
No ur pareve di miôr ch'e vinci a scalz
e di tajâmi il flât sul fîl de corse.
Cumò 'e son sbols, memorie les vitories
cui colps te schene. I smuars dal tradiment
di bocje 'e son colâz cui lôr fantins.
Mi prèin conseis par amicizie antighe.
Ma jo no ten plui siale, fen e semule da "Creps Umans" pag.108 di Domenico Zannier
'O soi Friûl di amont e di jevât
e 'o soi dai crez ch'e incemplin Furlanìe.
E, quanche 'o viôt les monz, 'o vai di legri,
che' atôr atôr mi cjàlin come maris. da "Creps Umans" pag.117 di Domenico Zannier
Dami, Signôr, divine e umane pâš.
Dami sapienzie e juste calme al vivi.
Dami reson e cûr ch'o sedi savi.
Crèimi l'anime alade sore i mârs.
Dami, Signôr, il fuc ch'al ame e al art.
Cjòlimi il tuart e dami il pintiment.
Fami capî miserie e malatie.
Sue lagrimes ch'e lusin di Univiers.
Dami, Signôr, il cjant ch'al laude Diu
e al inscuele in amôr l'umanitât.
Dami il prât di culine e il cret di mont,
l'arbul e il frôs e l'ucelut e il rič.
Dami lustri e salustri e vôi di cîl. da "Creps Umans" pag.146 di Domenico Zannier
Ombres di muarz 'e pàssin pe mê vite
e 'o voi incuintri al polvar di me stes,
materie te materie, dispierdût.
Nol à il vitâl gno sofli sepulture.
Individût il spirt no si coromp.
E braz divins lu àlcin che nol mueri.
Parsore tiere 'e stan ment e peraule
a cjalâ i secui e a no jessi nûl. da "Creps Umans" pag.161 di Domenico Zannier
'O vuei murî tal cjalis di une rose.
'O vuei murî tal cûr di un sôl amôr,
tal vêli blanc di un agnul cence siums.
Si plèino les mês ales, les mês mans
sun tun cjant, mai finît e simpri viert.
Di me soltant ch'al resti un dolč profum,
une bave d'amôr, àjar lontan,
un tividôr di nît ch'al à piulât........... da "Creps Umans" pag.186 di Domenico Zannier
-----------------------------------------------------------------------------