Mandi Luigino,

Le comozion e je tante e el cûr a tocs, ma i rivarìn fin dapît, par dì a ducj ce che tu eris par nô.

I sin chei dal 53, si sin cjalâts l'un l'altri, cence peraules, i stentin ancjemò a crodi a ce c'al è sucedût, ma vuê, le viste di che casse chi tal mieç, no lasse plui dubis.

I sin chi, ducj insieme. par saludâti e compagnâti, vuê, che le to corse purtrop tragicamentri si è fermade.

Ti plaseve tant cori..... Classe: cuant che dispès si cjatavin, si sin simpri saludâs cusì, nie nons, nus plaseve tant visâsi, cun braure, cun simpatie, di che classe e di che reson che nus unive, nus rindeve ducj compagns, in ducj chest agns.

Cenes, pizzes, gites, simpri tu el promotôr, el organizadôr, le anime de fieste, chel che al cjapave su les adesions.

Dapît di ogni foliet, che ogni an infalibilmentri al rivave (e ancje plui voltes ad an), al jere simpri scrit :

"Telefonare a Luigino Celotti". Tu, tu eris le fieste di classe! E dulà po se no? Luigino el organizadôr, el coordinatôr, el casîr, chel fîl che nus leave. E se no telefonavin, tu nus clamavis tu.

E dopo... les fiestes.... Nus plâs visâsi di te come el balarin, che nus faseve balà dutes, mai strac, dut sudât, cun che passion che tu metevis in dutes les robes.

Le prossime riunion le fasarìn par te, par visâsi di te, parceche tu, tu varessis volût, parceche e je une tradizion che no volin pierdi, tu, sarâs cun no, come simpri el plui presint - parceche tu sarâs tal cûr e te memorie di duc' no.

E a Marina, ai toi fis, a Celso e a duc' i tiei parints, dopo des condoleances, ur disin :

"Nus mancjarà tant, ancje a no". E ogni volte chi butarin el voli a che montagne che sta di front de nestre Buje, parsore di Glemone, si visarin di te.....ti viodarìn cori, balà, e i tornarin a sintì le to ridade, ti mandarin un pinsîr di afiet e i sintarin le nostalgjie di chel grant om e amion che tu sês stât.

Tu, tu âs vint le to maratone su cheste tiere: tu ses rivât a deventà le persone che tu jeris, e cusì, tu restarâs tal nestri ricuart.

I sin stâs fortunâts a veti come Ami. 

MANDI CLASSE,