di Lorenzo Ghiraldo

Les manifestasions dal 7 di genâr.

Le storie dai libris, chee di regime par intindisci, e je simpri stade cricje cui Furlans tant che al vignarés di pensa che culì di no el popul nol vebi mai contat nuie tai ains passâs.

Ma che storie lì si sa che 'e da plui importance a les vueres e a les barufes di pôs che aes vites e al sudor, aes disgracies e ae disperasion di dut el rest de int, dal popul sfrutât e doprât fin ancje quasi a distrugilu.

Ven a stai cussi che i Furlans 'e an scognût usâsci a tasê e a no lamentasci mai tant che erin pôs i Talians che 'e savevin prin dal taramot ch'ai esisteve el Friûl e el so popul. Se cumò invessit le int 'e smonte in place come sabide 7 di genâr a berghelâ le so rabie e a pratindi i soi dirits, al ven di pensa che no rive plui a gloti di tant sglonfe che jè par dut ce che à sopuartât e ce che pense che i tocjara frontâ di culi indenant.

A culì a ret bisugnarâ propit che i pulitics, locai e di Rome, e spessein a capì che duc' 'e son stufs des lor bales e che i Furlans 'e son ancje boins di no smenteâ come che 'e àn scrit di tantes bandes!

E seben che par radio, par television e sui gjornai, ce plui ce mancul, 'e cìrin di convìncinus che nô tes baraches j stin ben, che nol e el câs di lamentasci, che si stâ fasint dut el pussibil par meti in moto le machine de ricostrusiòn, i Furlans 'e comencin a nacuargisci dal truc, de truffe, de manovre pulitiche clientelâr e eletorâl che jé sot des lès, dai apalts, des promesses che nus àn fates.

E ce sucedial quant che le proteste e le rabie de int no si incanale tai schemas zà ûs e pensâs tes organisasions dai sindacâs o dai partîs? Eco che tocjâs sul vîf e par no pierdi el treno ormai ben za inviât, DC, PCI, PSI e CGIL, CISL e UIL 'e spessein a meti inpins le cuintri-manifestasion di Glemone come che zà 'e vevin fat el mês di lui dal '76.

E cussi a Glemone, chel dopodimisdì di sabide 7 genâr si lave a une processiòn un miec funerâl, che les fuarces di oposision e di governo 'e organisavin par piatâ e confondi i tragics zucs politics pensâs su le gobe de int.

A Glemone no ere cuintripart di contesta se no propit chée che veve organisade le ptocession; e le int 'e à capît di sei stade a scolta dome un comisi eletorâl, di sei stade ancjemò strumentali~ sade te soo proteste, cjolte pal cûl.