Sabide 15 di genâr a Udin e jé stade organisade dal Comitât pe Universitât Fuurlane a Udin une manifestasion par che chei che tegnin les redines (e les palanches) no si dismentein des lôr promesses e de propueste di lec firmade di 125.000 furlans.

Pensìn che tal programà le ricostrusion no si podarà smenteà l'istituzion de universitât a Udin parceche e jé un pas fondamentâl pe rinascite e pe crescite dal popul furlan, par che finalmentri al rivi a rompi el cjôt di emarginasion che lu lee·

No sarà rinascite se le provincie di Udin e sarà ancjemò chê cul pui grant numar di laureâs immigras, se tal ospedâl di Udin su 350 miedis nome 82 e son furlans. Le nestre int che fevele une lenghe differente di chê nasionâl e à bisugne di une scuele integrade che tegni cont de nestre realtât di minorance; no si po pensà che sedi une vergogne se i nestris paris e tabain furlan e nùs al an insegnât.

Une lenghe differente no à di sei pui le scuse par tigninus sot un "regime di povertà culturale" (brâs muridôrs, contadins, fornasirs, emigrans...)par fanus restà cucjos, a cjaf bàs quant che no savìn pratindi ce che nus spete, quant che nus fasin crodi di sei di mancul di chei altris.

Le nestre tradision culturâl e à un grant valôr culturâl alternatîf, di front a les tantes crisis, e alore e merite che deventi un ben di duc ancje mediant le scuele.