un pôc su l'alt

ben metût come ch'al 'ere

San Stiefin

tune zornade di lusôr

cui zirlans in fieste

circondavin glesie e tôr

jère sagre duc' i dîs

cun chei ucei

ch'e sbrissavin dal sagrât

tra viles e zardins

fin su l'orli dal marcjât

par voltâ

sù viers les scueles

che cun lôr jerin plui bieles,

po' zornànt ta chel sflandôr

sparî duc' sul tet dal domo

ch'al pareve

dut insieme

come un ìno al Creatôr.

Chest an

i zirlans no son tornâs

ne cisiles e sclagarùi

a cisicâ

sot lindes e piùi

insieme a nîs e trâfs

les cjases e i mîl ricuars

'l'è dut portât

a jemplâ i fossài di chê fornâs

che par antîc

vèvin gjavade tiere

par fâ modòn

che ai nestris vons

vevin servît

a costruî

chest biel paîs

cun tant amôr

che ogni borg rideve

pe sô note di colôr

font d'ispirazion

di artisc' di gran valôr

de pene, dal pinèl

e un slàc

di brâfs scultôrs.

Cumò, se soresere

stant in place de fontane

a stent ti rive

il sun d'une Ave Marie lontane

rasentànt

borgs e prâs

misars paîs duc smorzeâs

cjatansi a sei bessoi

tra dut chel vuèit e scûr

chel sorte cidinôr

ti cjape 'ne tristece

ch'al pò lâ di miez