INDIETRO A POESIA |
Soreli a mont d'estat di tanc'ains fa di Guido Brini |
Lajù daûr i monz dal Tiliment fra pie e pie al rît il soreli ancjemò par un moment. I contadins a' tornin al lôr nît cui cjar dal fen: cjante la zoventût dute la ligrie ch'e à tal sen, e a tôr si sint bon odôr di dut. Tal fogolâr scûr 'e mene la polente la nonute e 'e cjale-fûr a viodi se a' rivin i soi: po si sente. Dal balcon l'ultin rai di soreli si poe su chê muse inaridide, al rît ancjemò une volte chel volt vieli pensant ae zoventût ch'e je finide. Lassù intant su chê culine 'e sune gae une cjampanute e une bavesele fine, fine, 'e nice i pins de antighe gleseute.
|