Buje

Cuei e culinis,

a cercli si tegnin pe man

come pipinis.

E Mont tal miez come une mede;

j fasin di corone i borcs di Buje

come polezuz a tôr de uede. .

Sì tu ses biele

e ancje braurôse

di chel biel tôr a fâ di sintinele.

Di chê tô int, che tis arz e tal lavôr

par dut il mont ti àn fat

un grun di onor.

Di duc' chei borcs tant biei

'e tant ben faz

ch'a mi semein dut a tainc' colaz,

Ognun cui so savôr e cul so cali

ma ben leaz insieme, tal stes spali.

A chi si svantin di sei di chel o chest

ma quant ch'a son difûr tal forest.

Se ur domandin di dulà seso:

sence pore di nuje

duc' a rispuindin:

jo 'o soi di Buje.