Primevere  e 'Zoventût

di Guido Brini

'Zovenûz plens di murbin

'e je tornade primevere

l'è tornât chel ajar fin

ch'a s'inmanèe matine e sere.

'A' son tornâs i cisignocs

cu lis violis a cussins

a' semein tanc' biei flocs

sparnizzâs tai pradessins

'E je tornade voe di vivi

voe di amâ di 'zoventût

di stâ insieme voe di ridi

di cjapâ il timp piardût.

Ma ûs prei no stait a cori

plui dal timp e plui de vite

che se no vês un bon jutori

và a finî cicin te cite.