Carnavai

Coriandui a colors biei e bruz

a' son i Carnavai miei;

di quant che fruz,

dopo pituraz ben e mitus a gnûf

o levin cjase a cjase

par qualchi carantan e qualchi ûf.

0 di quant che 'zovenuts, mitus in pose

par cjatâsi un fregul di morose,

o levin a bati il tac

lajù sul Tabeac.

Cumò invezzit a Buje,

par dì la veretât nol mancje nuie.

Cjars faz cun art e fantasie,

colors, musiche, int e ligrie.

E di chestc' timps nol è nissun mâl

gjoldi insieme un bocon di Carnavâl;

Ancje se chei s'ingrumin sul cucuz,

par une dì ancje nô 'o tornin fruz.