Ai Nuviz

Sflorî di rose matutine

'tun crepuscul clâr meraveôs,

bagnade di rosade adamantine

si viarz al so soreli clip e seneôs.

Profun si spant tôr-a-tôr

profun di bon che quasi ti sturdìs

profun che ti tabae d'amôr

e là semee ch'e sei la sô lidrîs.

Cussì sfloris in zoventût l'amôr

di un tivit sovoltâ di voi e cûr,

si viarz chê rose al so soreli, e in flôr

j puarte i dons dal so amôr madûr.

Ma po chê rose pôc a pôc passis.

'E tornarà plui biele e sflandorose

ur auguri di cûr a chestc' nuviz

che chêste 'e sedi la lôr rose.