INDIETRO A POESIA |
A Milie di Mont di Guido Brini |
Feminis di une volte ué ûs cjolin vie 'e je muarte e sepolte la vuestre filosofie. Sûrs di fradis in uere maris di fîs e nevôs maris di vuestris fradis a sopuartâ lis lôr crôs. Solis a gjoldi il lôr ben cun lôr a patî il lôr patî. 'O vês platât in tal sen dut il vuestri vaî. Ma ué une lûs gnove chê biele ch'e ven dal cûr si spant su la vuestre muse e 'e slûs di dentri a difûr.
|