INDIETRO A POESIA |
Nadâl 1991 di Guido Brini |
Un glon di cjampane nus invide a Madins: si spant-jù, pe plane chê vôs argjentine, opûr si rimpine fuart o cidine sù e jù pe culine. Si piârt te criure de gnot l'ultin bot. Gnot Sante, ancje l'ultin grop di supiarbie si svante, e jo 'o torni frutin, a cjalâ chel pipin ch'al mi rît de grepie. Lui il paron dal mont ridusût cussì in font. Ejo ch'o crodevi di sei cuissà cui come Lui se no plui. M'ingenogli devant di chel frut e un lancûr mi cjape dentri e difûr. 'O vai i miei pecjâs; m'innonde une pâs gnove une gjonde si spant tôr a tôr: Gnot d'Amôr. Gnot Sante. Pecjât che ae prime lûs da l'albe si svante. Mancumâl ch'e torne ogni an a Nadâl.
|