Par voltâ el mont

Ame, perdone,

contentiti di ce che tu âs,

se tu âs di masse, done

e ancje chel divît.

Se tu âs voe di stâ in pâs

no stâ pensâ a ingrumâ,

pense ce tanc' ch'e an patît

e ch'e patissin par podê sglonfâ

chei quatri che no'nd'an mai vonde.

Pense a chei puarez

che no an mai vude gjonde

nì salût tai vues,

ch'a spiètin cun mîl mans

un got di sanc dal to,

tanc' par tornâ sans,

unevore par sperâ ancjemò.

Tu 'zovin che tu âs el sanc morbìn

no stâ vê pore, done,

dâlu cence padìn

tu sintarâs un sgrisul te one

chê ch'e ven fûr dal cûr

ti pâr di sedi un cont

a amâ e donâ tal scûr