A vinc' ains dal Taramot

Al à crazzolât tan ch'al à vulût

slambrant cjase e curs lassant no

sai cemût alc ancjemò sù e murs

sdrumâz, po' al à tasût.

Un sito suturni d'otritombe no

un gemi di ferît o muribont tant

ch'e ves sunât le trombe par visâ

ch'al è finît el Mont.

'O sin tornâs a vivi ben o mâl

ma chel sito nol và ni sù ni jù, a mut

'o vin fat un capitâl,

ma chel ch'al jere prin lu vin perdût.

Dosenes di ains atôr pal mont clap su

clap mitût cun sintiment patafâ le

bocje par ch'al torni el cont e cumò al

è dut lavìe tal Tiliment.

Ti vin fate biele miôr di prin

in pôs ains judâs di un grun di lôr

cjases e palaz di sorefin

'zardins e plazzes che no'nd'è di miôr.

No vin scugnût lâ a torzeon nus an

judâs in tanc', e ancje nô movint un

tic di plui el comedon ti vin puartade

ae fate di cumò.

'O vin di ringraziant un grun

che cun tant amôr nus an judât

no son vignûs chi a puartâ fun

tantes grazies par chel che nus vês dât.

No stin a smenteâsi dal passât no des

cjases che chês chi a' son miôr no stin

a pierdi le nestre identitât visinsi ogni

tant ce ch'e an fat lôr.

Valôrs pierdûz ch'a clamin vendete no

vores che chel sito ch'o ai tal cûr

al ves sdrumât 'ne ete lassantnus tant

plui puars di sigûr.