Derno Cantarelli al è un milanês che al à simpri vude cjare la sô marilenghe ancje tal incrosâsi dai tancj lengaçs di une grande metropoli come Milan.

In cheste lenghe, une volte dismetûts i vistîts di dirigjent di une grande aziende comerciâl par lâ in pension, al à pineladis mîl musis de sô citât e de sô trasformazion: lis cjasis di ringhiere, i ritmis di un ciert mût di vivi, il cîl e la fumate, chês solitudinis che la citât e crôt di rivâ a scuindi cence capî trop grandis che a son. Al à publicât doi libris plens di chescj e di altris cuadris di vite contade in dialet, cjapant in man a mût so la cuistion de grafie che, in milanês, no à ancjemò ponts di riferiment ben definîts. Al à partecipât a trasmissions radiofonichis, al à cjapât premis e ricognossiments ogni volte che si è metût in zûc cui soi componiments.

Ancje il talian no i displâs par contâ la sô visuâl dal mont. Difat, altris doi soi libris a àn viodude la lûs inte lenghe nazionâl. E ancje in talian il so mont a son i afiets, i siums, i ricuarts…cetancj ricuarts. Come ducj chei che a passin la vite fevelant e resonant in dôs lenghis, ancje Derno Cantarelli al pense che par un ciert argoment, par un ciert sintî e va ben une, par esprimi altris moments e altris pinsîrs e va ben chê altre, e nol è nancje facil cjatâ lis peraulis justis par contâ la stesse robe in dutis dôs lis fevelis. E je simpri, tra lis dôs, une version che no i lasse il cûr content come che lui al volarès.

Ma Derno, tai timps là che a cjapin vite i soi ricuarts, ven a stâi 51 agns indaûr, al puartà al altâr une fantate di Buje,Franca Ganzitti, di Ontegnan. Lant e tornant cuissà tropis voltis tal paîs de sô femine, i è jentrade tes orelis la lenghe furlane e si è inamorât ancje di jê!

Cun passion e atenzion al à provât, alore, a voltâ cualchidune des sos poesiis ancje te nestre lenghe. Al à domandât di vê une man par frontâ la grafie e par sielzi, ca e là, propit la peraule juste, chê che no sune di talian strupiât…e ve chi il risultât: dôs versions, une in milanês e une in furlan, dai stes pinsîrs da l’anime. Une anime malcuiete par colpe dal timp che al passe, dal mont che al cambie e no simpri in miôr, de vite che sbrisse vie mostrantnus lis ocasions pierdudis e dantnus conferme che e valeve le pene di cjalcjâ la sene di chest mont no par aparî, ma par sei in pâs cu la propie cussience e cun chei altris.

INSONNIA Stanòtt riessi minga a dormì, me se giri in del lett, son chi tutt sudaa. Gh’hoo on pes in sul stòmigh: per forza, con tutt quel che hoo mangià! Bevi on fernet poeu se meti lì quiett, ma me ven de pensà a quanti stanott hinn costrett in stò mond a sta sveli. Hinn tropp i motìv che pòden fa dormì nò: malattii, dispiasè, guerra, famm, mancanza del pan, d’ona cà, d’on afett. Sem visìn a Natal allora preghi el Bambin perchè el faga in manera che sù sta terra ghe sia doma ona causa de insònnia: la mia! ATTOR In del grand teater de la vitta intant che te calchet il palch scennich del sit in dove te vivet, in mezz a tanti scenari che tropp de spess se cambien in del temp, come attor protagonista se te cerchet l’aplauso de la platea che te circonda e la benevolenza del Regista, recita mai! Cerca de vess quell che te sett e se te pòdett migliora. SERENITAA Per strada hoo vist on giovinòt abronzaa incazzaa sù la soa cabrio fuoriserie. Hoo vist on vecc paralitich sù ona cadrega a roeudei el rideva de gust cont on fiolet che le ruzava in gir. Serenitaa te ringrazii tant per la imprevedibilità di tò percors e per i tò traguard assurd. FRADEI L’è adree a vegnì sera... Ma prima del tramont l’è temp de riflession. L’è ora de parlà de quell tòrt che te subii, de quell dann che te patii, de quel rantegh che el te va giò nò, de quel afront che te se minga sta bon de soportà. L’è ora de dismentegà quei danee malament spenduu, quelli consili che te ghe minga avuu, quella ingiuria che la t’ha ofenduu. Ma finalment l’è s’cioppaa el silenzi sofert e in d’on attim el bon sens l’ha quattaa ogni veggia amarezza l’ha casciaa via i nivoi che te portaven tristezza. E mai come adess el fradel l’è fradel. SPECC Specc che a la matina te me guardet e te vedet sù la mia faccia i segn che el temp inesorabil el lassa giò preoccupesen no: l’è l’etaa; oramai i fattor estetich m’interessen pù! Guardomm invece denter in de la profonditaa de l’anima e se te vedet on quai coss che va ben nò regallom quella crema de alta qualitaa che la nascond nò, ma la pòrta via tucc i difett. Se per fortunna diversament te riscontrasset ona quai virtù, enfatizzala, falla conoss, aiutomm a coltivalla, perchè domà quei al dì de incoeu hinn diventaa per mì la mia ambizion

SVEAROLE Usgnot jo no rivi a durmî, mi remeni tal jet, o soi chi dut sudât. O ai un pês chi sul stomi: par fuarce, cun dut chel che o ai mangjât! O bêf un fernet e mi poi jù cuiet, ma mi ven di pensâ a cetancj che mo a scuegnin in chest mont stâ sveâts. A son masse i mutîfs che ju tegnin dismots: malatiis, displasês, vuere, fan, mancjance di pan, di une cjase, di afiet. O sin dongje Nadâl cussì jo o prei il Bambin par che al fasi in maniere che chi e sei su la tiere une sole reson di svearole: la mê! ATÔR Intal grant teatri de vite intant che tu cjalcjis lis senis dal lûc indulà che tu vivis, tal mieç di tancj senaris che masse dispès si cambin tal timp, come atôr protagonist se tu ciris batimans de platee che ti sta intor e la benevolence dal Regjist no sta mai recitâ! Cîr di jessi te stes e se tu rivis miore. SERENITÂT Par strade o ai viodût un fantat abronzât incazât su la sô cabrio fûr serie. O ai viodût un vecjo paralitic suntune cjadree a rodelis che al rideve di gust cuntun frutin che lu menave ator. Serenitât jo ti soi tant a grât pe imprevedibilitât dai toi percors e pai toi travuarts fûr di mût. FRADIS E je daûr a vignî sere... Ma prin dal tramont al è timp di riflession. E je ore di fevelâ di chel tuart che tu âs subît di chel dam che tu âs patît di chel grop che nol va propit jù, di chel afront che no tu sês gran stât bon di sopuartâ E je ore di dismenteâ chei bêçs malamentri spindûts, chei conseis che no tu âs podût vê, chê insolence che ti à tant ofindût. Ma finalmentri al è sclopât il cidinôr sufiert e intun moment il bon sens l’à cuietât ogni vecje amarece, e parât vie i nûi che puartavin tristece E mai come cumò el fradi al è fradi. SPIELI Spieli che a buinore tu mi cjalis e tu mi viodis su la muse improntis che il timp al lasse inesorabil jù no stin a bacilâ: e je l’etât; ormai i fatôrs estetics no mi interessin plui. Cjalimi invessit dentri inte profonditât da l’anime e se tu viodis alc che nol va ben regalimi chê creme di alte cualitât che no scuint ma e puarte vie ducj i difiets. Se par furtune, invessit, tu cjatassis une cualchi virtût, metile in viste, judimi a fâle vignî grande, che nuie altri al dì di vuê al’è deventât par me la mê ambizion.