Cjale te marivèe ch'al è el Creât:
al è alc che ti lasse cence flât!
Un tôr, une culine e, su le place
dulà che un pin al pòe le sô ramace,
el Signôr si è pognét par controlâ
un toc ch'al scugnive inmò inžontâ.
Tal disèn j mancjave chel colôr
che, par Lui, al 'oleve dî l'amôr
e, prin di pojâsi par durmî,
a sô pari al fevele e j dîs cussì:
- Pari, in te Vuestre potestât,
un puest ch'al disi «Pas» no Vês creât!
No si sintìso di cuminâ pal miôr
e di meti le fìrme tal lavôr?
-Al vecjo j tremave le moschete
(parceche el fi j 'e veve dite sclete)
alore, scuintiât un frighinin,
al rispuint cussì a chel so frutin:
- Par che no dìsin che no capìš nuje
ti fâs le pâs in tal paîs di Buje
e le plêf di chel puest ti mostrarà
el ben che, a di chel borc, uei consegnâ.
El fi alore al è lât, dopo un moment,
a viodi el plui grant avigniment
e, lagrimant content pal risultât,
al à cjapât el pari e lu à bušsât.

23 ottobre 1983

Disegno di Sara Gallina