Catàn

..... Eco ce ch'o J diraj

s'o rivarai lassù. Signôr,

quan' che duc' 'a gjoldevin

jò 'o eri Catàn il plui pùar dal paîs.

'O fasevi vite di catan

te gjonde pezzotose dai miei fruz,

cui stes voi e il stes cûr

 di chei altris. E la buinore

la sveavi adore tal soflet da l'armoniche,

sunade su la puarte dal sotan.

dome par un cion.

'O cjalavi cun dutis lis mans

il polam dai curtii,

par dissusâmi un pôc de polente e formadi.

Signôr, no stâmi a cjastiâ

s'o jeri un furbo....

Jò ti ai simpri preât e riverît

denant di dutis lis anconis.

'O ài dât il gust al siôr

di confrontâ il so ben cu la mê grande miserie.

Soi stât un bon amì

dal cialzumit, dal gue,

cu l'ombrenâr 'o ài dividût il quart,