INDIETRO |
1975 n°2 |
File di feminis di Maria Forte |
File di feminis neris, morentadis de Messe, (unevore di vielis) a pas cidinùt ju pe strade de vueite domenie. II becjâr al à fate buteghe, chè la fieste si mangje di miôr, si lu sa. '0 sint un ribati sui roncs di cjampanis. 'O jentri in chel sun par cjatâmi cun duc', dopo 'o torni bessole. Finît Gjespui... Si slargje il sagrât mol d'incens e di fieste, pai umign... Lis feminis l'ore la san su lis puartis... Ti vièrzin fastilis di cjase, ti dìsin, cun dûl, mâl di chest o di chel, ma a' fàsin plui cjalt il paîs e in cheste sô vite jo o vîf. |