Fi dal soreli di Roberto Ongaro |
A mi fasin tant dûl e mi ricuardin i miei agns di valîs.
Des Africhis lontanis, dai savalons arsîz, il destin mi à menât tal to paîs. Mindic in tiere oltrane 'o cîr un toc di pan no sta dîmi di nò, dami une man! Se cun-t-un'altre piel une di 'o soi nassût, al è parcè che Diu lu à volût. A chest fi dal soreli viergi un pôc il to cûr e cjale il to passât, cjale indaûr Tu as stramudât valîs ancje tû, tal forest, ancje te ti àn tratât tanche un imprest. Ti àn rinfazzât il pan, ti àn dit "Va a cjase tô!" e tu as vût un torment grant tanche il gno. Se un fradi de piel scure al insist, t'importune, ricuarde ch'al è chi a cirî furtune. E se tù tu sês blanc e lui cu la piel scure, nol è nome un caprici de nature. Se a chest to fradi neri tu j slungjs la tô man si visarà di te il bon Diu, doman.
|