---------------------------------------------------------

—  Oe bisodeàz,

vignîsa u nò

a dî las rosseòns? Sù

besclèz, busaròns,

inzenoglaisi i cuì da pè, e

disìat davour di mè: — «

Angelus Dei... »

—  Oh, insoma! —

« Custo mei

« metimi su il comisu

« in patate sul perno

« et ògeo ne la lùmine

« in custòdia iu michi

« in rege et in giberna, ame... »

?  Mâri, j'ài di fâ la roia! —

?   Nà stâ a lâ di four
ch'a ven jù la ploia;

e tu, Cacu, razza di cian,

sta ferm cun chê man! —

« Save regina, matre misericòrdia,

« vita ducezza spècio nostra save... »

?   Mâri lu bec al stunca la zòcola! —

?  Prea, ve, mazzulata, e tira jù chê còtola... —

« A te cramamus, oseli fili d'eve

« a te spiramus gentes

« e te frentes in màcula... »

—  Via, mo, via, na stâ a durmì tu, Cacu;

ten su chel ciâf, Maria —

« Vacarum vale... egio ergo vocata... »

—  Mi faisa vignì mata? (s'inrabie) —

« Vocata nostra, òculo tuo scoverto,

« oca stenda; oca crema, oca pia, « et

Gesus sbitus, sfrutus « oco stende,

coco crema, oca spia « co dolcissima

vìrgola Maria ».

—  Begara, begara, Toni!

To pâri, quant ch'al ven

ti scjazzarà l'âga dal stomi. — «

Gnara me, gnara te, varacata... »

—  Tasìat, tasìat cun chê bociata —

« a dara, mirtute, canta, rosta ame ».

?   Mâri, giò, j'ài sent, sent... —

?   Cacu, puarta di four to fradi;

e tu Maria, met sul for chel formadi.

 Lait, daspò, duc' a durmî e lassait chi

chi ju scufòns ch'i ài di impidiâ ju

talòns. —

?   Mâri; al è scûr, scûr... —

?  Toit su la lump di pin,

e daspò lassaila sul scialìn. —

?   Buina not, po, mâri —

?   Buina not, buina not:

farìas lu senc da santa Crùas

davànt da lâ sot la pleta; —

e tu, Maria, sta pin cuieta,

par no fruâ las bleons...

Lait mo, cun Diu e cu las benedizions!