Sul Cuel di Solâris

'O àj jodût lùsignis scaturidis

tune lûs di sere dolce dolce:

'o ài sintût crevâmi dal cûr

agrât di vivi, come bore di sanc

'ne gjonde penge, grande, che zem.

Cjamps fintremai il cîl,

di vene gjale tes nìulis,

di margaritis tenaris,

di grîs sence cunfins.

Sôre 'l cuel dal cimiteri
clip te ore cuiete
di puartâ il lat.

'O àj jodût.

E dut al jere lassú par me

salt apajât

come il crodi dai frûs.

E dinche volte

par simpri