| Il Setôr di Tarciso Piemonte Il Pignarûl 1973 |
| Cinc cent, sîs cent cinc cent, sîs cent. Di bon matin il setôr si sìnt a dai di côt al valzèt. E po dopo la jarbe 'a cole sot il colp lunc la solz. L'odolute cul so legri cjant la fadìe da l'omp 'a compagne. Dai di côt cinc cent, sîs cent... Dadôr lis culinis al cimie il soreli e l'Ave 'a sune lontan! Il setor al gjave il cjapiel e al poe il braz sul falzet II sudôr si suje e il cjâf al volte la che i Sièi 'a polsin par simpri. Cinc cent, quatri cent cinc cent, quatri cent... L'odolute in cîl, il re di cuàe in tiare, il mierli te cise, e je dute un'armonie! Si alze il soreli; e plui di spes il setôr al falzet 'a 'i dà di côt. La jarbe no cole ma s' inchine; no 'i vàl dât di barbe e ne di ponte! Dusinte — tresinte, dusinte — tresinte... II falzèt il fîl'l à piardût 'I à bisugne di batadorie! L'omp Té dut sot aghe. Al cjale la vore fate e chê che reste. Lis mons son claris e biel timp al promèt. Un pôc plet pe fadie al setôr no 'i reste che meti il falzèt su la spale e lâ vie! Lontan lu compagne il cjant dal cuc c'al conte i ains di spietà a lis fantatis di maridà. |