| A Vile di Buje di Francesco Vattolo |  |
| A Vile di Buje di Francesco Vattolo | |
| Chest an le Borgade sarà imbandierade pal dì de Madone de nestre salût. Vin zà disponût di fâ di pueste a Vile gran fieste, jessint l’otantesin che cà jè rivade, te nestre Borgade, cui nestris migrants. Ma viodêt ce mans !... No erin scultors nepûr ingegnîrs ma brâs fornasîrs. Durant el lavôr pensavin tra lôr di fâ le Patrone che sei pal mistîr dal mont fornasîr. Pal dopo misdì vês ducj di vignî te nestre gran place a gjoldi un moment cussì divertent. O vin le gran pescje di robe tant frescje: no ocôr, par ve premis, nè nates, nè rees... e bastin i bês. E dopo, tancj zucs con âtris biei trucs che spiâ no podìn, faràa plui efiet tignìn in segret. Pecjât le zornade che à pocje durade. Ma lât el soreli les steles, le lune us puartin furtune. Za dute le int bramose si sint, in cheste stagjon, di fâ quatri pas, viei e fantàs. O vin ostaries par dutes les vies salamp e formadi, e vin di chel bon pe spine e cjalcon. Cun sagre in place, le glesie di face cul so ciampanîl che jè le bravure presint e future. Te glesie, interno, di pregjo moderno, un nobil Artist ’1 à fat un lavôr di gnûf colôr. Al à disegnât, te malte ingiavât, che robe tant gnove: jentrait e vedèt di front te parét. Di plui, le Borgade le vìn rinovade. Vedùt che bielece, ognun cun tun cuc al reste di stuc. Smenteavi la bande pe fìeste tant grande, che spant l’armonie cul sun e console dute quante le fole. Per un otantesin no crôt di stufâ se mai us pâr lungje mandaile a scurtâ. (*) Scrite tal 1956 par celebrâ l’otantesin de Madone de Salût. |
