La sagre di Tombe

Pal vinç e cuatri di marz

lisere sence sfuarz

svole une colombe

parsore il Borc di Tombe

e po', ven pai paiis

a spandi fur l'aviis

che lì in che zornade

ogn'an sta preparade

par fà chel gran sagròn

di cheste biele stagiòn

tra '1 verdulin dai prâs

di roses ricamâs.

Mi han dit che la Borgade

tra pôc ven sistemade;

faràn un biel stradon

des scueles in stazion

o crôt che duç aprovi,

nesun contrar si movi

e han sunat le svee

tal Borc a ogni famee

di volè progredì

nisun a vût ce dì

se 'l Borc al ven slargiât

devente une citât.

De fortece di Osôf

del plan a si dismôf

di Buie al Tiliment

sot chel clâr firmament,

aghe pure, aiar san:

le delizie dal furlan.

Po' un'atre intenzion

di fa le costruzion

dall'Asilo pai frutins

des mames tant ciarins,

che prin di là a scuele

jù guidi qualchi stele.

Pe biele lôr canoniche

e l'an za vût la nomine

dal gnûf brâf Capelan

che lu festegiaran

in che zornade grande

cun musiches e bande.

Zuchs d'ogni qualitât

fait cont: un grant marçiât

saràn cavalerizes

giostres a ciadenisses

baraches, barachins

taules e taulins.

Preparât dal bon vin,

Ramandul dal pui fin

damigianis caratei

dut el vin fûr pai spinei

al côr svelt ch'al console:

a cui, no fasial gole ?

Ma come che savees

a sagre uelin bees

par bevi la tazute

e fa la merindute

e po' i bombonus

pe femine, pai frus.

 Us spete la colombe