Grande Sagre a Tombe di Buje

Une volte che borgade

jere dongje el Tiliment

e par chel fo fabricade

dute dongje, dute a strent.

 Par salvasi dai brigans

e par vivi plui sigûr

cence iesci cjscjelans

si sierarin cun t'un mûr.

Po' cul timp el Tiliment

a si è alontanât

e po' stai che un moment

e deventi une citât.

 Le valade si presente:

aghe, aiar a l'è bon

a l’è dut ce c'al covente

e vicin el savalon.

 Vin l'Asilo comenzât

le canoniche vicin,

e par vie de citât

timp o tart proviodarin.

O sunìn pardut la trombe

par domenie 8 d'avrîl

di cjatasi duç a Tombe

su la place o tal curtîl.

 Oltre 'I gust de pasegjade

che provais in chel moment

vin la fieste perecjade

a complet divertiment.

 Une bande e ven di Udin

dai bravisins Tomadins

sintires ce ben che sunin

quant che soflin tai clarins.

 E che altre e jé di Buje

le braure dal paîs

par sintî nol coste nuie

e ancjemò si divertîs.

 A le pescje grande e biele

e son plens duç i scafai

e par tant che si fevele

e saran dîs mil regai.

L'è un chiosco sule place

di butiglies ben furnît

us fâs gole un'atre tace

cò el litro vês finît.

 Po si cjantaran vilotes

di amor e di ligrie

si disvuidaran les botes

dal bon vin ta l'ostarie.

 Ma atens che sês a Tombe

di no mai esagerâ

che podês cjapà le plombe

se bevês cence mangjâ.