Se il cûr al è cjavrûl, biel al è vivi,

saltant di cret in cret, di frascje in frascje

a cirî prât bruscjandul che mi rivi

sot il mustìc cun jerbe che no rascje.

 

Di mulisite nise al è un cunvivi

e di tale e di altissime pal clêf,

dontri al lusì falcet par che si sprivi

dal viêri il frôs novel che lûs al bêf.

 

Clamaimi pûr cavret salvadi, ’o stimi

i orlis dal bosc e de taviele umane,

ch’a si vierc tal sorêli e in aghe vive

 

’e bone sêt aes roses. Che si imprimi

il gno cucul tal fof mi va une cane.

E a cjalâmi in tal net il mont si intive.