'E son ales di femine tal mont,

che ombrene 'e fàsin tal desert dal cûr

e frescure di afìet tal sut da l'anime.

E, se si vièrgin a svolâ pal cîl,

cui nûi 'e fòrmin žoes di blancje lûs

pe vite e no pe muart, che il ben al splendi,

cence inceâti, di sclarî un esisti.

Di serafins 'e àn flame e un cjant di amôr

sul antîl di ogni cîl e d'ogni tiere.

il to jessi dal mâl e nici cune,

che di sanc e di cjâr ti crei uman,

di sentiment e spirt celeste rose.

Se une ale di femine al à il cîl,

une spere divine al à il soreli.