| Poez e scritôrs furlans di Luzian Verone Preambul
'E scomence cun chest nurnar la publicazion di une schirie di articui rivuardanz il profîl di poez e scritôrs che cu la lôr opare "scrite" 'e àn contribuît a madressi e insiorâ la nestre lenghe, profii ch'a fàsin part di une prossime publicazion su la leterature furlane, curade dal estensôr di chesc'articui. Tal grant mosaic des letaris furlanis si à pensât ch'al fos impuartant dâj la precedence a scritôrs dal lûc, no dome pe lusorose vene poetiche, ma ancje pal amôr manifestât pe lôr tiare e, in particulâr, pal impen culturâl a pro di une lenghe ch'e ven di lontanancis secolârs e che, compagnade dai tanc' autôrs che le àn dispatussade, vuê 'e pò sperâ tun avignî ancje su l'albe dal tiarz Milenari. E seancje il Frulan nol pò competi cu lis grandis lenghis nazionâls, stant che nol è un miez espressîf comerciâl doprât par interes, alore la nestre 'e pò sei cunsiderade dabon une lenghe aristocratiche, une lenghe origjnâl par dâ vôs al spirt e al sintî di un popul. |