STATUTA COMMUNITATIS BUJE

In Christi Nomine Amen. Anno Domini MCCCLXXI. Indictione IXa. Die Lune VIII. Decembris. Actum Buje in Castro in presentia Nobilis Domini Capitanei Glemone Vicesgerentis Illustrissimi Domini Domini in Christo Patris, Principis et Patriarche Aquilegensis.

Presentibus discretis Viris Ser Rodoaldo, Ser Varnerio, Rambaldo et Ruperto omnibus Glemone habitantibus et Rainaldo et Tusco de Florentia Buie habitantibus et aliis pluribuis in multitudine copiosa.

Cum die hesterna, ut constat, de Sijndacatu manu mea, congregato Consilio Comunitatis Buje, in quo deputati fuerunt Nobiles et egregii Viri Ser Barnaba olim D.Nicolai, Ser Rizardus de Codesio Massarius, Ser Thomasinus quondam D.Anzelotti, Ser Federicus filius Ser Rodulphi, Ser Marquardus et Ser Ropertus omnes de Buja cives et habitatores ad facienda et ordinanda Statuta infrascripta pro bono et utilitate huius Comunitatis et Villarum subiectarum. Ideo prefati Ser Barnaba, Ser Rizardus, Ser Thomesinus, Ser Fedricus, Ser Marquardus et Ser Ropertus, attenta facultate eis in dicto Sindacatu attributa, statuerunt et ordinaverunt pro bono et utilitate huius Comunitatis et Villarum subiectarum infrascripta Capitula videlicet.