Quod novus Massarius simul cum Consiliariis veteribus debeat eligere novos Consiliarios.

Statuerunt et ordinaverunt quod dictus Massarius novus crastina die post Circumcisionem Domini Nostri Jesu Christi teneatur et debeat simul cum veteribus Consiliariis eligere et deputare dimidium novum Consilium, sive XII consiliarios videlicet VI nobiles Cives vel saltem Notarios et VI populares et sic de singulis usque in infinitum qui habeant consulere cum aliis XII Consiliariis veteribus facta Comunitatis et versare; teneantur iurare ad S.D.E. quod eorum officium iuste et fideliter facient et exercebunt et quod sententiabunt super his que ad ipsos spectabunt juste et fideliter secundum eorum conscientiam remoto omni dolo et amore, et nihil pandere eorum que gerentur in aula Consilii sub pena Marche denariorum I, applicande Comunitati.