XIII

De diebus quibus DD. Iudices Buje cum Nob. D.Capitaneo Glemone Vicesgerente Ill.mi ac R.mi DD. In Christo Patris Aquilegensis Patriarche teneatur sedere ad jus.

Statuerunt et ordinaverunt quod DD. Judices Buje simul cum assistentia Nob. D. Capitan. Glemone Vicesgerentis Ill.mi et R.mi D.ni Patriarche Aquilegensis teneantur et debeant duobus diebus in hebdomada, die Martis et die Sabathi iuxta antiquas consuetudines sedere et jus reddere hominibus Vicinis de hac Comunitate et Villis subiectis ipsius Gastaldie et habeant pro eorum salario exemptionem affictuum quos solvere tenentur Gastaldie predicte, ultra emolumenta solita in causis civilibus et criminalibus, salva condemnatione que spectat Nob. D. Capitaneo.