XII

De penis illorum qui fecerint surgere Massarium cum officio.

Statuerunt et ordinaverunt quod si aliquis vicinus et habitator Comunitatis et Villarum subiectarum fuerit condemnatus pro aliqua re ad Massarium et officium spectante ad aliquam penam aut aliquod debitum solvendum, et pignoretur per officialem Comunis et recusaverit consignare pignus ipsi officiali, perdet pro singula vice denarios XLVIII Aquilegenses Massario applicandos; post tria mandata facta possit Massarius cum Collegis suis surgere ob officium facere, pignorando ipsum contrafacientem qui possit etiam aperire Domum, et frangere ostium pro accipiendo pignore contra omnem voluntatem ipsius contrafacientis et nihilominus ipse, qui fuerit causa, quod talia fiant, condemnetur in solid. XXIV pro singulo Massario et Collegarum.