XIX

Quod Vicini de hac Comunitate et Villis subiectis non possint esse extracti a Foro naturali.

Statuerunt et ordinaverunt quod sub quovis colore aut pretextu nullus Vicinus de hac Comunitate et Villis subiectis Gastaldie possit esse extractus a Foro naturali nec aliqua persona possit intromittere seu sequestrare res dictorum Vicinorum et hominum huius Gastaldie ni prius sint convicti et sententiati per DD. Judices Buje cum assistentia Nob. D.ni Capitanei et hoc in penam nullitatis omnium actorum in contrarium.