| XXI Quod nullus audeat conducere Animalia venalia ad pascuandum super pratis Comunis Buje et Villarum subiectarum.
Statuerunt et ordinaverunt quod si aliquis mercator animalium conduxerit et tenuerit animalia Venalia tam grossa quam minuta cuiuscumque generis sint ad pascuandum in pratis Buje et Villarum subiectarum seu super aliis quibuscunque bonis alicuius ex Vicinis dicte Comunitatis et Villarum subiectarum ultra diem, talis mercator etsi fuerit Vicinus ipso facto sit condemnatus in Marcham unam pro capite grosso et dimidiam pro capite minuto applicanda dimidia Venerande Fabrice D. Laurentii et alia dimidia Massario et Consiliariis huius Comunitatis et nihilominus talis mercator et Vicinus teneatur et debeat reficere damnum cui dederit ad estimationem Bonorum Virorum et hoc toties quoties rtepertus fuerit ut supra pascuare cum dictis Animalibus.
|
