XXV

De tempore Vindemiandi seu colligendi uvas.

Statuerunt et expresse ordinaverunt quod sub quovis colore aut pretextu nullus Vicinus huius Comunitatis et hominum habitatorum Villarum subiectarum huius Gastaldie debeat vindemiare seu colligere uvas ante festum Sancte Jostine et hoc pro utilitate comuni et si vindemiaverit cadat in penam Marcharum denariorum Aquilegensium III pro qualibet vice applicandarum dimidium Ven. Fabrice D. Laurentii et aliud dimidium DD. Massario et Consiliariis.