XLII

De tenentibus pecudes cum licentia Consilii quod teneantur ipsa animalia interficere ad macellum Buje.

Statuerunt et ordinaverunt quod quilibet Vicinus huius Comunitatis et Villarum subiectarum cui Magnificum Consilium concessit tenere pecudes ad pascuandum super Pascuis Comunis in hiieme et estate teneatur et debeat ipsa animalia interficere in Macello Buje loco et tempore solito et carnes vendere Vicinis pretio quo fuerit per estimatores estimata aut illa animalia vendere Macellatoribus Buje nec possit ipsa animalia aliter dispensare vel extra Bujam vendere vel dare sub pena solidorum XXIV pro singulo capite Animalium per ipsum venditorum absque licentia Massarii et Consilii que pena dimidia sit applicanda DD. Estimatoribus et alia accusatori.