| XLVI De Estimatoribus debentibus ponere et ponderare Carnes.
Statuerunt et ordinaverunt quod estimatores Comunitatis Buje teneantur et debeant singulis diebus vel saltem Martis et Sabathi venire et se presentare ad macellum ad ponendum carnes que eis consignate fuerint per Beccarios quarum pretium ponere et limitare debant in eorum conscientiam secundum bonitatem et qualitatem carnium et debeant ac teneantur ipsi estimatores secum portare stateram Comunis cum qua possint ponderare carnes et si contigerit aliquem ex estimatoribus ipsis diebus ire extra Villam, debeat talis etimator hoc dicere alteri Estimatori Colege vel Massario Comunis aut uni ex XXIV consiliariis ad hoc ut ipsi Massarius vel Consiliarii valeant cum consilio bonorum virorum Beccariis ponere et limitare pretium carnis in macello et si contrafactum fuerit contrafaciens condamnetur in sol. XXIV Massario applicandos; possint dicti Estimatores etiam singulis aliis diebus ponere et ponderare carnes, si eis placuerit. |
