XLV

De Macellatoribus non debentibus vendere Carnes nisi primo non fuerint consignate.

Statuerunt et ordinaverunt quod quilibet Beccarius de Comunitate et Gastaldie Buje qui interfecerit in Macello boves, iuvencas, pecudes sive castratos non debeat vendere ex dictis carnibus nisi ille primo consignate sint estimatoribus, si haberi poterint, sin autem Massario et si Estimatores et Massarius haberi non poterunt tum debeant Comunitati consignare duobus de Consilio XXIV et fuerit per ipsos estimatores, aut Massarium sive duos consiliarios positum pretium dictarum carnium secundum bonitatem carnis, sub pena Marche unius Comunitati applicande et unius quarte carnis animalis interfecti et non consignati applicande estimatoribus, et hoc pro singulo capite animalis cuius carnes vendiderit contra formam presentis Statuti.