LII

De Tabernariis non dantibus Vinum ad iustam mensuram.

Statuerunt et ordinaverunt quod si aliquis Tabernarius vendiderit vinum, oleum etc. et non dederit plenam butiam, ut est conveniens, cadat in penam pro singula vice Marche unius applicande DD. Estimatoribus et Consilio et quod estimatores et iurati teneantur singulis diebus festivis et die Sabathi cum bucia Comunis mensurare Vinum venditum a tabernariis sub pena solid. XX singulo die predicto Consilio applicandorum salvo legitimo impedimento, et si contigerit Estimatoribus ire extra Gastaldiam seu Comunitatem dictis diebus, hoc fiat a DD. Massario et Consiliariis.