LVII

De Vicinis debentibus solvere ratas positas per Consilium.

Statuerunt et ordinaverunt quod cum contigerit Comunitati Buje ponere aliquam ratam inter Vicinos pro aliquibus peragendis, ut sepe accidit et posita fuerit per focos ut est consuetum ex quacumque occasione processerit, unusquisque teneatur solvere suam ratam sibi impositam infra terminum limitatum et appositum per Consilium, prout fuerit per ipsos Consiliarios deliberatum sub pena Marche unius Aquilegensis Comunitati applicande et si non solverit et venerit talis neglegens ad solvendum incurrat in expensas que venient Comunitati, salvo tamen legitimo impedimento per Consilium approbando.