| LXIX De confirmatione Statutorum.
Statuerunt et ordinaverunt ac declaraverunt implorandum esse quod suprascripta omnia Statuta et ordinamenta confirmentur per Nob. D.Capitaneum Glemone Vicesgerentem Ill.mi et R.mi in Christo Patris Principis et Aquilegensis Patriarche. Dicta die et loco presentibus qui supra coram Nob. Domino Capitaneo Glemone Vicesgerente Ill.mi DD. In Christo Patris et Principis D. Marquardi Patriarche Aquilegensis comparuerunt Nobb. Et egr. Viri Ser Barnaba olim D.ni Nicolai Sindicus, Rizardus de Codesio Massarius, et Tomasinus fiulius Anzelotti, ser Federicus filius q.m Rodulphi, Ser Marquardus et Ser Ropertus omnes de Buja Cives et habitatores deputati ut supra suplicaverunt et institerunt quod Nob. D. Capitaneus interponat ad premissa Statuta suam autoritatem et iuditiale decretum. Nob. D. Capitaneus ponderata suplicatione ad Statuta premissa interposuit suam autoritatem et iuditiale decretum. Statuta premissa cum sequenti decreto ex notis meis per aliam mihi fidam manum transcibere feci, quia aliis occupatus negotiis non potui, exemplari facta collatione nihil reperi quod sensum mutet aut variet intellectum et ideo me in fidem subscripsi. Ego Nicolaus dictus Culonus q.m Tomadi Rainerotti Pubblicus de Utino imperiali autoritate Notarius apposito Signo Tabellionatus mei in fidem etc.
|
