Daûr che si cjale

Dôi vielis che no vuelin

ricognossi l'etât

si sfotin un cul altri

svantant il propi stât.

" Jo 'o soi plui fuart di te! "

J dîs 'Zuan a Bert,

Bert, subit j rispuint:

"Di chest jo no soi cert! "

" Provìn - al dîs 'Zuan -

a fâ il gîr dal paîs

di corse e jo ti mostri

ch'al è vêr ce ch'o dîs ".

Po, 'Zuan, rivât prin,

si svante te ostarie

e a Bért no j va gran ben

dute chê pofardie.

" Ce astu di svantâti,

cussì, cun dut il mont?

Tù tu sês il penultin,

jo 'o soi rivât secont! "